Համացանցում հայտնվել է տեսանյութ, որում պարզ երկնքում երևում է անհայտ օբյեկտ: Շատերը, այդ թվում՝ տեսանյութի հեղինակը, ենթադրում են, որ դա ՉԹՕ է (չբացահայտված թռչող օբյեկտ. երկնքում հանդիպող անսովոր մարմին է, որը դիտորդի կողմից ճանաչելի չէ որպես մարդկությանը հայտնի որևէ առարկա):

Տեսանյութը տեղադրել է մեքսիկական Վիլլա դե Ալվարես քաղաքում բնակվող Ալիսիա անունով մի աղջիկ: Նա նշել է, որ իրեն ի սկզբանե թվացել է, որ չբացահայտված թռչող օբյեկտն ամպ է: Սակայան երկինքն անամպ է եղել: Նա հավելել է, որ թռչող ափսեն, որն ինքը նկարել է, նման չէ նաև օդապարիկի: