McDonalds-ն իր գործունեությունը սկսել է շատ քչից։ Հիմա լինելով արագ սննդի ամենամեծ ցանցն աշխարհում՝ այն իր ճանապարհն սկսել է Կալիֆոռնիայի Սան Բերնանդինոյում համբուրգերների փոքրիկ վաճառակետից 77 տարի առաջ՝ 1940 թվականի մայիսի 15-ին։

Երկու եղբայրներ՝ Դիք և Մաուրիս Մաք Դոնալդները, բացեցին վաճառակետն ու այն անվանեցին «McDonalds Bar-B-Q»:

Ավելի ուշ նրանք փակեցին այն ու վերաբացեցին 1948-ին։ Մենյուն ընդամենը 9 բան էր առաջարկում՝ համբուրգեր (0.15 $), չիզբուրգերներ (0.19$) և 0.10 $ արժողությամբ ըմպելիքներ (սուրճ, Կոկա-Կոլա, նարնջի լիմոնադ):

1954-ին վաճառակայանը գրավեց Իլինիոյս նահանգից կաթնային կոկտեյլներ վաճառող գործարարի՝ Ռեյ Քրոքի ուշադրությունը։

Քրոքը եղբայրներից «մեծ» պատվեր է ստանում՝ 8 կոկտեյլ, ինչը շարժում է նրա հետաքրքրասիրությունը։ Նա գնում է Կալիֆոռնիա՝ նրանց բիզնեսին ծանոթանալու համար ու ապշում է դրա արդյունավետությամբ։

Քրոքը համոզում է եղբայրներին՝ իրենց բիզնեսի ֆրանչայզինգը տալ նրան։ 1955 թվականին նա բացում է McDonalds-ի առաջին ֆրանչայզին։

Ռեստորանի վաճառքն առաջին օրը կազմում է 366$։

Մինչև 1958 թվականը McDonalds-ը վաճառել էր 100 միլիոն համբուրգեր, ու երկու տարի անց Քրոքը գնում է McDonalds ապրանքանիշի բացարձակ իրավունքը։

Ընկերությունն սկսում է մեծ արագությամբ տարածվել ամբողջ երկրով մեկ. 1965-ին ԱՄՆ-ում արդեն 700 McDonalds ռեստորան կար։